АҚШдаги энг йирик соғлиқни сақлаш компаниясининг бош директори отиб ўлдирилди

«UnitedHealthcare» хусусий тиббий суғурта компанияси бош директори Брайан Томпсон чоршанба куни Манхэттенда отиб ўлдирилди, деб хабар беради Kazinform мухбири CNBCга таяниб.

Полиция маълумотларига кўра, бу "олдиндан ўйланган ва режалаштирилган, мақсадли ҳужум". Ҳозирда тергов ҳаракатлари олиб бориляпти.

Ҳужум 50 ёшли Брайана Томпсонга эрталаб «Hilton» меҳмонхонаси олдида «UnitedHealth Group» инвесторлар кунига кетаётганида содир бўлди.

Полиция жиноят содир бўлган жойга эрталаб соат 6:48 да етиб келган ва Томпсоннинг жасади пиёдалар йўлагида орқа ва оёғидан ўқ жароҳатлари билан топилган.

Фавқулодда тиббий хизматлар жабрланувчини Рузвельт касалхонасига олиб боришган, у ерда эрталаб соат 7:12 да унинг вафот этгани маълум қилинган.

Томпсон 20 йилдан ортиқ вақт давомида «United Health» компаниясида ишлади ва компанияга 2004 йил апрель ойида қўшилди. У 2021 йил апрель ойида «UnitedHealthcare» бош директор лавозимини эгаллаган.

«UnitedHealth Group» - даромади ва бозор капиталлашуви тахминан 563 миллиард доллар бўлган Қўшма Штатлардаги энг йирик соғлиқни сақлаш компаниясидир.

Ўтган йили унинг «UnitedHealthcare» бўлими 281 миллиард доллардан ортиқ даромад олгани ҳақида хабар берди, бу «UnitedHealth Group»нинг 2023 йилги йиллик даромадининг учдан икки қисмидан кўпроғини ташкил этди.