АҚШда Трамп сурати билан 250 долларлик купюра чиқариш таклиф қилинди

ASTANA. Kazinform – Жанубий Каролинадан сайланган республикачи конгрессмен Жо Уилсон АҚШ Президенти Дональд Трамп портрети туширилган 250 доллар номиналдаги купюра чиқаришни таклиф қилди. Бу ҳақда Axios нашри хабар берди.

"Байденфляция иқтисодиётни вайрон қилди ва америкалик оилаларни кўпроқ нақд пул олиб юришга мажбур қилди", – деди конгрессмен.

Уилсон банкнотда Трампнинг портрети акс этганлигининг сабаби сифатида “энг қиммат банкнота – энг қадрли президентга” деган тамойилни келтирди.

Бироқ конгрессмен Уилсоннинг таклифи ноқонуний ҳисобланади. 1866 йилда АҚШ Конгресси томонидан қабул қилинган қонунга кўра, пул ва тангаларда тирик одамларни тасвирлаш тақиқланган. Аммо Трамп тарафдорлари ҳозирда Конгресснинг иккала палатасида ҳам кўпчиликни ташкил этади, яъни қоида назарий жиҳатдан бекор қилиниши мумкин.

Айрим конгрессменлар Дональд Трампнинг туғилган кунини миллий байрам деб эълон қилиш ва унга учинчи муддатга ўз номзодини қўйишга рухсат беришни ҳам таклиф қилган.

Эслатиб ўтамиз, америкалик конгрессмен Даллес аэропортига Трамп номини беришни таклиф қилган эди.