АҚШда хом нефт захираларининг ошиши нархларнинг пасайишига замин яратди
Америка нефт институти саноат гуруҳи маълумотларига кўра, 21 октябрдаги савдолар Қўшма Штатлардаги хом нефт захираларининг ўсишини кўрсатди. Бир ҳафта ичида у тахминан 4,5 миллион баррелга ошган. Шунга кўра, декабрдаги Brent маркали нефт фьючерслари аввалги сессияда 26 центга кўтарилганидан сўнг 1,03 доллар ёки 1,1 фоизга тушиб, бир баррел учун 92,49 долларни ташкил қилди.
АҚШнинг West Texas Intermediate (WTI) нефти декабр фючерслари 75 сент ёки 0,9 фоизга тушиб, 84,57 долларгача арзонлашган. Ўз навбатида, хом нефт захираларининг ўсиши талабни камайтириши мумкин бўлган глобал рецессия ҳақидаги хавотирларни кучайтирди.
«Ноябр ойидан бошланадиган ОПЕК+ ишлаб чиқаришни қисқартириш ва декабрда кучга кирадиган Россия нефтига Европа Иттифоқининг янги санкциялари нархларга ижобий таъсир кўрсатиши керак»
, - деди SPI Asset Management бошқарувчи ҳамкори Стивен Иннес.
Ўз навбатида Саудия Арабистони энергетика вазири Абдел Азиз бин Салмон фавқулодда вазиятлар фондидан нефт сотилишини танқид қилиб, буни «бозорларни манипуляция қилиш»га уриниш деб атади. Байден яқинлашиб келаётган ОПЕК+ ишлаб чиқаришни қисқартириш АҚШдаги сайловлар олдидан ёқилғи нархининг ошишига олиб келмаслигини таъминлашни истайди. Бироқ, президентнинг рақиблари уни SPRдан фойдалангани учун танқид қилишди, бунинг натижасида АҚШ нефт захиралари 400 миллион баррелга тушиб кетди - бу сўнгги 35 йилдаги энг паст кўрсаткич.
Фото: bykvu.com
