АҚШ ва Каспий мамлакатлари ўртасида дипломатик муносабатлар ўрнатилганига 30 йил тўлди

None
None
NUR-SULTAN. Kazinform - Қозоғистон Президентининг махсус вакили Ержан Қазихан «АҚШ ва Каспий минтақаси ўртасидаги дипломатик муносабатларнинг 30 йиллиги» веб-семинарида иштирок этди, деб хабар беради Ақорда.

Вебинарни Вашингтондаги Caspian Policy Center экспертиза маркази ташкил этди.

Тадбирда, шунингдек, АҚШ Давлат котибининг Жанубий ва Марказий Осиё бўйича ёрдамчиси Дональд Лу ва Давлат котибининг Европа ва Евроосиё масалалари бўйича ёрдамчиси Карен Донфрайд, шунингдек, Озарбайжон, Арманистон, Грузия, Қирғизистон, Тожикистон, Туркманистон ва Ўзбекистондан юқори мартабали вакиллар иштирок этди. АҚШнинг Қозоғистон Республикасидаги собиқ элчиси Ричард Хогланд модераторлик қилди.

Қозоғистон Республикаси Президентининг махсус вакили Е.Қазихан минтақа мамлакатлари ва АҚШ ўртасидаги ҳамкорликни мустаҳкамлаш, иқлим ўзгаришига қарши курашиш, транзит ва транспорт тизимини диверсификация қилиш, аёлларнинг иқтисодий имкониятларини кенгайтириш масалаларига тўхталди.

Д.Лу ўз нутқида Қозоғистондаги воқеаларга тўхталиб ўтди. У Қозоғистон раҳбарияти сиёсий ва иқтисодий ўзгаришлар йўлини давом эттиришига ишонч билдирди.

«Ғарбнинг вазифаси маслаҳат бериш эмас, балки Қозоғистонни қўллаб-қувватлаш ва мамлакатга январ ойида вужудга келган инсон ҳуқуқлари муаммосини ҳал қилиш ва келгусида бундай вазиятнинг олдини олиш учун зарур ижтимоий, сиёсий ва иқтисодий ислоҳотларни янада амалга ошириш имконини беришдир». - деди Д.Лу.

Умуман олганда, веб-семинар иштирокчилари сиёсий, иқтисодий ва маданий-гуманитар мулоқотни янада ривожлантириш мақсадида минтақа давлатлари ва АҚШ ўртасидаги ҳамкорлик муҳимлигини таъкидладилар.

Сўнгги хабарлар
telegram