АҚШ Россия нефть ва газининг барча импортларини тақиқлайди
«Бугун мен АҚШ Россия иқтисодиётининг асосий артериясини нишонга олганини эълон қиламан. Биз Россия нефти, гази ва энергетикасининг барча импортларини тақиқлаяпмиз. Бу шуни англатадики, Россия нефти энди АҚШ портларига кира олмайди ва Америка халқи [Россия президенти Владимир] Путиннинг уруш машинасига яна бир кучли зарба беради. Бу Конгрессда ва, менимча, мамлакатда икки партиянинг кучли қўллаб-қувватлашига эга бўлган ҳаракат. Америкаликлар Украина халқини қўллаб-қувватлаш учун йиғилишди ва биз Путин урушини субсидиялашда иштирок этмаслигимизни очиқ айтишди. Биз бутун дунё бўйлаб, айниқса Европадаги иттифоқчиларимиз ва ҳамкорларимиз билан яқин маслаҳатлашувлардан сўнг шундай қарорга келдик», — деди АҚШ Президенти.
Унинг сўзларига кўра, АҚШ ўзининг европалик иттифоқчилари Россиядан энергия импортини тақиқлашга қўшила олмаслигини тушунади.
Россия нефть ва газини импорт қилишни тақиқлаш қарори АҚШнинг ўзига таъсир қилади, аммо Вашингтон бу қадамни қўйиши керак, деб ҳисоблайди Байден.
«Бу биз [Россия Президенти Владимир] Путинга қўшимча муаммолар яратиш учун ташлаётган қадам, аммо бу ерда, АҚШда биз учун харажатлар бўлади», - деди у.
«Республикачилар ҳам, демократлар ҳам буни тушунишади. Республикачилар ҳам, демократлар ҳам буни қилишимиз кераклигини очиқ айтишди», - дея қўшимча қилди Байден.
Хусусан, Америка етакчиси расмийларнинг уринишларига қарамай, АҚШда бензин нархи ошиши давом этишини тан олди.
АҚШ ҳукумати хусусий секторни Россия Федерациясига қарши санкциялар оқибатлари туфайли нархларни оширмасликка чақиради, улар чайқовчиларга қарши курашади. «Нефт-газ компаниялари ва молиявий фирмалар учун – биз [Россия Президенти Владимир] Путиннинг Украина халқига қарши уруши нархларнинг ошишига сабаб бўлаётганини тушунамиз, буни тушунамиз, бу аниқ. Аммо бу нархларни кўтариш, фойдани кўпайтириш ёки вазиятдан ёки америкалик истеъмолчилардан фойдаланишга уриниш учун баҳона эмас. Россиянинг тажовузкорлиги барчамизга қимматга тушмоқда, ҳозир фойда олиш ёки нархларни ошириш вақти эмас. Биз бунга тоқат қилмаслигимизни аниқ айтмоқчиман», - дея огоҳлантирди АҚШ Президенти.
Энергетика мустақиллиги
АҚШ энергетика бўйича мустақил давлатга айланиши керак, Вашингтон Европа Иттифоқи билан Европа давлатлари Россиядан нефть ва газни қайтариш истиқболларини ҳам муҳокама қилмоқда, - деди Байден.
«Ушбу инқироз узоқ муддатда иқтисодиётимизни ҳимоя қилиш учун энергетика бўйича мустақил бўлишимиз кераклигини аниқ эслатиб туради«, - деди у. «Охирги ойларда мен европалик дўстларимиз билан уларнинг ўзлари Россия нефтидан қандай қутулиш кераклиги ҳақида бир қанча суҳбатлар ўтказдим. Бу давом этиши мумкин эмас», - деди Байден.
