АҚШ президенти Жо Байденнинг соғлиғи ҳақида унинг шахсий шифокори маълум қилди
АBC телеканалининг хабар беришича, АҚШ президенти шифокори ва унинг жамоаси Жо Байденнинг касаллик аломатлари оғирлашганини аниқлаган. Шахсий шифокор доктор Кевин О’Коннорнинг сўнгги баёнотига кўра, Президент Жо Байденнинг CОВИД-19 белгилари «Паксловид» препаратининг иккинчи тўлиқ кунини тугатгандан кейин яхшиланишда давом этмоқда.
Шифокор О’Коннорнинг шанба куни берган баёнотида «Ҳозир Жо Байденда томоқ оғриғи, бурун оқиши, енгил йўтал ва тана заифлиги бор», - дейилади.
Дастлабки натижалар шуни кўрсатадики, Жо Байденда BА.5 нинг янги варианти мавжуд бўлиб, ҳозирда бу АҚШда янги инфекцияларнинг деярли 80 фоизини ташкил қилади.
BА.5 олдинги вариантларга нисбатан жуда юқумли ва олдинги эмлашлар ва иммунитетларга нисбатан чидамлироқ кўринади.
«79 ёшли Байден «Паксловид»ни қабул қилишни давом эттиради ва даволанишга яхши тоқат қилади«, - деди доктор О’Коннор. Президент, шунингдек, албутеролли йўтал ингаляциясидан фойдаланади», - деди у.
Шифокорнинг сўзларига кўра, президентнинг юрак уриши, қон босими, нафас олиш тезлиги ва кислород миқдори меъёрида.
Пайшанба куни кечқурун президент Жо Байденнинг тана ҳарорати кўтарилди. «Президент ацетаминофен қабул қилди ва шундан бери унинг ҳарорати нормал», - дея қўшимча қилди О’Коннор жума куни.
Унинг матбуот котиби Кирстен Алленнинг сўзларига кўра, чоршанба куни президент билан бирга бўлган АҚШ вице-президенти Камала Харрис жума куни эрталаб CОVID-19 учун тести манфий натижа кўрсатган. Кирстенга кўра, Харрисда ҳеч қандай аломат йўқ ва ижтимоий иш жадвалига амал қилмоқда.
Оқ уй маълумотларига кўра, АҚШ президенти тестлари манфий чиқмагунча ўзини яккалаб ишлайди.
Фото: таss.ru
Муаллиф: Арнур Раҳимбеков
