АҚШ президенти Францияга ташриф буюради

Оқ уй раҳбари Жо Байден жорий йилнинг 8 июнь куни Францияга давлат ташрифи билан боради, дея хабар беради Каzinform мухбири.

Шунингдек, Франция ва АҚШ раҳбарлари иттифоқчиларнинг Нормандияга десант жойлаштирганинининг 80 йиллигига бағишланган маросимда биргаликда иштирок этади. Бу ҳақда Франциянинг АҚШдаги элчихонаси маълум қилди.

Ташриф Франция президенти Эммануэль Макроннинг 2022 йилда АҚШга давлат ташрифига жавобан амалга оширилади.

Қайд этилишича, икки давлат раҳбарлари Италияда бўлиб ўтадиган Катта еттилик ва Вашингтонда НАТО саммитларини муҳокама қилиш ниятида.

Бундан ташқари, музокараларда иқтисодий соҳада икки томонлама ҳамкорликни мустаҳкамлаш, космик ва ядровий дастурларни ривожлантириш масалалари муҳокама қилинади.

Раҳбарлар глобал муаммоларга, хусусан, иқлимдаги фавқулодда вазиятлар ва биологик хилма-хилликни муҳофаза қилишда биргаликдаги ҳаракатларни кўриб чиқадилар.

Муаллиф: Арнур Раҳимбеков