АҚШ молия вазирлигининг собиқ раҳбари TikTokни сотиб олишга қарор қилди
Бу ҳақда у CNBC телеканалига берган интервьюсида айтди.
У келишувни АҚШ Конгресси Вакиллар палатаси томонидан қабул қилинган қонун лойиҳаси фонида тайёрлай бошлади, агар у Сенатда маъқулланса, ByteDanceни TikTokдан халос бўлишга ёки АҚШда ижтимоий тармоқ блокланишига мажбур қилади.
"Менимча, қонун қабул қилиниши керак ва TikTok сотилиши керак. Бу ажойиб бизнес ва мен TikTokни сотиб олиш учун (инвесторлар) гуруҳини тўпламоқчиман”, – деди у.
Мнучин 2017 йилнинг февралидан 2021 йилнинг январигача Дональд Трамп президентлиги даврида АҚШ молия вазирлигини бошқарган. Илгари у Goldman Sachs ва бир қатор инвестиция фирмаларида ишлаган. Мнучин истеъфога чиққанидан кейин Liberty Strategic Capital инвестиция компаниясини бошқарган.
Америкалик қонунчиларнинг фикрича, Хитой ByteDance томонидан бошқариладиган TikTok АҚШ миллий хавфсизлигига таҳдид солади, чунки ХХР ҳукумати компанияни америкалик фойдаланувчиларнинг маълумотларини уларга топширишга мажбур қилиши мумкин. Қонун лойиҳасига кўра, ByteDance тахминан беш ой ичида TikTokни сотиши керак. Агар бу содир бўлмаса, Apple ва Google мос равишда App Store ва Google Playдан иловани олиб ташлайди.
