АҚШ молия вазири инфляцияни прогноз қилишда хато қилганини тан олди

NUR-SULTAN. Kazinform – АҚШ молия вазири Джанет Йеллен CNN телеканали эфирида ўтган йили инфляция ўсиши таҳдиди ҳақида «нотўғри» прогноз қилганини тан олди. Шу билан бирга, Джанет Йеллен АҚШ президенти Жо Байден маъмурияти тезда нархлар ошишини жиловлашга эътибор қаратганини таъкидлади, деб хабар беради Kazinform мухбири Financial Timesга таяниб.

«Ўйлайманки, ўша пайтда мен инфляция қандай йўлдан бориши ҳақида нотўғри фикрда бўлганман», - деди Джанет Йеллен шарҳловчи Вольф Блитцерга берган интервюсида. Бу АҚШнинг юқори мартабали амалдори ўз хатосини тан олган кам учрайдиган ҳолатлардан биридир.

«Иқтисодиётда энергия ва озиқ-овқат нархларининг ошишига олиб келган кутилмаган ва жиддий зарбалар, шунингдек, иқтисодиётимизга катта таъсир кўрсатган таъминот муаммолари келиб чиқди, мен буни ўша пайтда тўлиқ тушуниб етмаган эканман, ҳозир буни тан оламиз», - деди вазир.

Кўпгина хусусий экспертлар, Федерал захира тизими, АҚШ ҳукумати иқтисодчилари 2021 йилда инфляциянинг ўсиши COVID-19 вакцинасининг биринчи босқичи туфайли иқтисодиётнинг тез тикланиши билан боғлиқ ва нисбатан тез ўтиб кетади, деб ҳисоблашганди. Аммо Украинадаги воқеалардан кейин инфляция давом этди ва ҳатто ёмонлашди.

АҚШ Молия вазирлиги вакили вазир Джанет Йелленнинг 18 ой олдин иқтисодиётни нималар кутиб турганини билиши мумкинмаслигини айтди.

«Джанет Йеллен, шунингдек, тарихий ўсиш ва рекорд даражадаги иш ўринлари яратилиши кузатилаётганини таъкидлади ва энди бизнинг мақсадимиз инфляция пасая бошлаган пайтда барқарор ва барқарор ўсиш сари ҳаракат қилишдан иборат», — дея қўшимча қилди АҚШ молия вазирлиги вакили.

Муаллиф: Арнур Рахимбеков