АҚШ Марказий ва Шарқий Европага 3000 аскар жўнатмоқчи

Унинг сўзларига кўра, ҳозирда Германияда жойлашган мингга яқин аскар Руминияга қайтарилади, чунки Россия Украина билан чегарадаги ҳарбий иштирокини қисқартиришни режалаштирмайди ва Ғарб Россия босқинидан қўрқади.
Ҳозирда Руминияда 900 нафар америкалик аскар бор. Келажакда уларга Франция қўшинлари қўшилади.
«Қўшма Штатлар кучларни жойлаштиришда бир-бирини тўлдириш учун Франция ва барча иттифоқчиларимиз билан маслаҳатлашиш ва мувофиқлаштиришда давом этади», — деди Кирби.
Бундан ташқари, Германия ва Польшага АҚШ армиясининг асосий оператив кучи ҳисобланган 82-ҳаво-десант дивизиясининг 2000 нафар аскарлари юборилади. Улардан 1700 нафари Польшага қайтариб юборилади, қолганлари эса Германиядаги Америка кучларининг ҳаракатларини мувофиқлаштиришга ёрдам беради. Ҳозирда Польшада 5000 га яқин америкалик аскар бор.
Унинг қайд этишича, Оқ уйдан қўшимча қўшинларнинг вақтинчалик олиб ўтилиши янги разведка маълумотларини олиш билан боғлиқ эмас.
«Интерфакс» хабарига кўра, Россия Ташқи ишлар вазири ўринбосари Александр Грушко АҚШнинг Европага қўшин юбориш қарорини танқид қилган. Расмий ҳаракатларни «сиёсий қарорлар учун майдонни торайтирувчи» бузғунчи қадамлар деб атади.