АҚШ қирғоқ қўриқлаш хизмати чўкиб кетган батискаф экипажи ҳалок бўлганини маълум қилди
18 июн куни чўкиб кетган Титаник лайнерига шўнғиш пайтида ғойиб бўлган «Титан» сув ости кемаси вайроналари Атлантика океанида топилди. Бортдаги беш киши ҳалок бўлган.
АҚШ қирғоқ хавфсизлиги маълумотларига кўра, Канаданинг Horizon Arctic кемасидан сувга туширилган «Odysseus» сув ости кемаси қолдиқлари 3800 метр чуқурликда ётган «Титаник» кемаси тумшуғидан тахминан 500 метр (1600 фут) узоқликда топилган.
Вайроналарнинг ҳолати ҳалокатли портлашдан далолат беради, аммо унинг сабаби номаълум. Ўлганларнинг жасадлари ҳам топилмаган.
«Бу ниҳоятда оғир муҳит», – деди АҚШ қирғоқ хавфсизлиги контр-адмирали Жон Могер Бостондаги матбуот анжуманида.
«Титан»га эгалик қилувчи OceanGate аввалроқ экипажнинг ўлимини тан олган баёнот билан чиққан эди.
«Бу одамларни ўзига хос саргузашт руҳи ҳамда океанларни ўрганиш ва ҳимоя қилишга бўлган чуқур иштиёқ бирлаштирди. Улар ҳақиқий тадқиқотчилар эди», – дейилади баёнотда.
Polar Prince тадқиқот кемаси «Титан»ни 110 йил олдин «Титаник» чўкиб кетган жойга якшанбага ўтар кечаси олиб келган.
Батискаф эрталаб шўнғий бошлади, аммо миссия бошланганидан 1 соат 45 дақиқа ўтгач, сув юзаси билан алоқа йўқолди.
Батискаф бортида беш киши бўлган: 58 ёшли британиялик тадбиркор ва тадқиқотчи Хэмиш Хардинг, 48 ёшли покистонлик тадбиркор Шахзада Давуд ва унинг 19 ёшли ўғли Сулеман, 61 ёшли OceanGate директори Стоктон Раш ва 77 ёшли француз тадқиқотчиси Поль-Анри Наржоле.
Polar Prince экипажи АҚШ қирғоқ қўриқлаш хизматига «Титан» билан алоқа узилгани ҳақида дарҳол хабар бермаган: улар бу ҳақда саккиз соатдан кейин хабардор қилинди. Шундан сўнг департаментнинг Бостондаги қўмондонлик маркази бир неча давлатлар иштирок этган қидирув ишларини мувофиқлаштиришга киришди.
Аввал батискафни эхоқайиқлар билан қидирган, сўнгра катта чуқурликларда ишлашга қодир бўлган учувчисиз кемалар жалб этилган. Соҳил хавфсизлик хизмати сув юзасида сув ости кемасини қидириш учун иккита C-130 Hercules самолётини юборди, сўнгра қидирувга Канаданинг C-130 ва Р8 самолётлари ҳам қўшилди. Ҳудудга сонар сузгичлар ҳам ўрнатилди.
Пайшанба куни батискафни қидириш чоралари кучайтирилди, чунки таҳминга кўра бортда кислород тугаши мумкин эди. АҚШ қирғоқ қўриқлаш хизмати қутқарув операцияси кўламини кенгайтириб, унга яна 10 та кема ва бир нечта сув ости кемаларини қўшди.
Илгари акс садо асбоблари сув остидаги шовқинлар келиб чиқадиган бир нечта нуқталарни аниқлаган, бироқ уларнинг ҳеч бирида батискаф топилмаган. Шунга қарамай, операция иштирокчилари шовқинлар аниқланган жой яқинида кучларини жамлаган.
Қутқарув операцияси тубида топилган бўлаклар батискафнинг қисмлари эканлиги аниқлангандан сўнг қисман қисқартирила бошланди.
