АҚШ фуқароси Париж Олимпиадасига бориш учун сўнгги пулини сарфлади

ASTANA. Kazinform - Лос-Анжелесда истиқомат қилувчи 66 ёшли Вивиан Робинсон Олимпиаданинг содиқ мухлиси ҳисобланади. У шу пайтгача 5 та ёзги Олимпия ўйинларида иштирок этган. Бу йилги Париж Олимпиадасига ҳам борди.

Associated Press хабарига кўра, Вивиан Робинсон икки йил давомида қаттиқ меҳнат қилган ва Париж Олимпиадасига бориш учун шу вақтгача ишлаб топган барча пулларини, ҳамда кредит карталаридаги бор пулини сарфлаган. Франция бориш учун 10 минг долларга яқин маблағ керак бўлган. Айтиш керакки, у нафақат Франция пойтахтига ташриф буюришни, балки 38 та мусобақада томошабин сифатида иштирок этишини мақсад этган. 

Саёҳатга пул топиш учун Вивиан Робинсон пляжда тақинчоқларини сотарди ва кечаси озиқ-овқат маҳсулотларини қадоқловчи бўлиб ишлади. Йўлга сарфланган пулни қайтариш учун яна икки йил ишлаши кераклигини ҳисоблаб чиқди. Бироқ Париж Олимпиадасига келганидан афсусда эмас.

Аёл чипта нархи 1600 доллар турадиган очилиш маросимидан қониқмаганини яширмади. Унинг таъкидлашича, бундай пул топиш учун кўп вақт керак бўлган, бироқ у шоуга қойил қолгани йўқ.