АҚШ фуқаролари ўзларини қурол билан хавфсиз ҳис қилмоқдалар - сўров

WASHINGTON. Кazinform - Давлатлар Конвенwияси ҳаракатининг миллий сўрови шуни кўрсатдики, респондентларнинг 40 фоиздан ортиғи аҳолини оммавий отишмалардан ҳимоя қилишнинг энг яхши йўли ҳуқуқ-тартибот идоралари эмас, балки қуролланган АҚШ фуқаролари, деб ҳисоблайди, деб хабар беради Кazinform Breitbart News сайтига таяниб.

«Оммавий отишма содир бўлган тақдирда сизни ва оилангизни нима энг яхши ҳимоя қилади деб ўйлайсиз?» деган саволга респондентларнинг 41,8 фоизи «қуролланган фуқаролар» деб жавоб берди. 25,1 фоизи ҳуқуқ-тартибот идораларини афзал кўрган. 10,3% федерал агентлар учун овоз берди. 22,8% юқоридаги вариантлардан ҳеч бири уларни ҳимоя қилмаслигини айтди.

«Маҳаллий ҳуқуқ-тартибот идоралари ва ҳукумат амалдорлари зўравон шахсни оммавий отишма бошлашдан олдин аниқлаб, тўхтата олишига қанчалик ишонасиз?» деган саволга респондентларнинг катта қисми (62,2%) ушбу органлар зўравонни тўхтатишга ишончи комил эмаслигини маълум қилди. Уларнинг 26,9 фоизи ҳуқуқни муҳофаза қилиш органларига умуман ишонмаслигини айтган. 37,9 фоизи полиция ҳаракатларига ишонч билдирган.

Сўров 7-10 июл кунлари 1078 АҚШ фуқароси ўртасида 2,9% хатолик билан ўтказилди.

Фото: pewresearch.оrg