АҚШ федерал маъмурлари сальмонеллез хавфи туфайли тухумларни яна қайтариб олишди

ASTANA. Kazainform - Озиқ-овқат ва фармацевтика идораси (FDA) Cостcо тухумларини қайтариб олиш даражасини энг юқори даражага кўтарди, деб хабар беради Кazinform мухбири NBC Newsга таяниб.

Аввалроқ, 27 ноябрь куни (FDA) «Costco» компанияси «Kirkland Signature» бренди остида сотилган тахминан 10 800 дона органик, яйлов товуқлари тухумлари ферма томонидан қайтариб олинаётганини эълон қилди.

Аммо кейин, янгиланган хабарномада, федерал агентлик қайтариб олишни “I синф”га қайта таснифлади, яъни бу "маҳсулотдан фойдаланиш саломатликка жиддий салбий таъсир кўрсатиши ёки ўлимга олиб келиши эҳтимоли бор" деган маънони англатади.

Тухум қутилари 2024 йил 22 ноябрдан бошлаб Алабама, Жоржия, Шимолий Каролина, Жанубий Каролина ва Теннесси штатидаги 25 та «Costco» дўконларида сотилган.

FDA тухум харидорлари уларни маҳаллий «Costco» дўконига тўлиқ қайтариб беришлари кераклигини айтди.

Аввалроқ, сальмонеллез хавфи туфайли АҚШда тухумларнинг катта партияси қайтариб олинган эди.