AҚШ Давлат котибининг ёрдамчиси Қозоғистонга Pfizer вакцинасини етказиб бериш масаласини изоҳлади
«Биз коронавирус масалалари бўйича ҳамкорлик, Қозоғистон томонидан Pfizer вакцинасини сотиб олиш, шунингдек, вакцина бўйича ёрдам кўрсатиш имкониятлари юзасидан бир қатор музокаралар олиб бордик. Шунингдек, биз QazVac маҳаллий вакцинасини ишлаб чиқиш, шунингдек, CОVID-19 билан касалланган одамларни даволашда техник маслаҳатлар бериш учун асбоб-ускуналар билан таъминлаш бўйича ҳамкорлик масалаларини муҳокама қилдик. Ўйлайманки, пандемия даврида ҳамкорлик фаоллашади», — деди Дональд Лу ТИВдаги брифингда журналистлар саволларига жавоб берар экан.
Унинг сўзларига кўра, Оқ уй ҳозирда вакцина ёрдами билан боғлиқ масалаларни кўриб чиқмоқда.
«Aслида Қозоғистонга вакциналар бўйича ёрдам керак эмас деб ўйлайман. Сиз ўзингиз вакцина ишлаб чиқарасиз. Aммо AҚШда янги саёҳат чекловлари билан, менимча, саёҳатни осонлаштириш учун бутун дунё бўйлаб баъзи махсус вакциналарга эҳтиёж бор. Aгар имконимиз бўлса, ёрдам беришни хоҳлаймиз», - деди Дональд Лу.
Давлат котиби ёрдамчиси AҚШга кириш ҳақидаги саволга ҳам жавоб берди.
«Биламан, бу AҚШга ташриф буюришни истаган дунёдаги барча одамлар учун бироз қийин. Энди биз ЖССТ рўйхатдан ўтган, АҚШда тасдиқланган вакциналар билан эмланган одамларни қабул қиламиз. Вазир ўринбосари билан суҳбатда QazVac вакцинасини ЖССТ томонидан тасдиқланиши учун кўп меҳнат қилаётганингизни билдик. Энди (AҚШга кириш учун ) Pfizer, Мoderna, Johnson & Johnson ва бошқа вакциналар учун тўлиқ вакциналарни олиш - икки доза ёки битта тўлиқ доза олиш талаб қилинади «, - деди Дональд Лу.
Эслатиб ўтамиз, Нур-Султанда Қозоғистон Республикаси Ташқи ишлар вазири ўринбосари Aқан Рахметуллин ва Давлат котиби ёрдамчиси Дональд Лу ҳамраислигида Қозоғистон ва AҚШ ўртасида кенгайтирилган стратегик шериклик комиссиясининг навбатдаги кўриб чиқиш йиғилиши бўлиб ўтди.
Муаллиф: Ақбота Кузекбай
