Ақмола вилоятида «Олтин белги» эгалари 100 минг тенгелик сертификат олди

KÓKSHETAÝ. Кazinform – Ақмола вилоятида жорий йилда 246 нафар «Олтин белги» совриндорлари аниқланган бўлса, улардан 16 нафари IQanat High School of Burabay мактаби битирувчилари, деб хабар беради Кazinform мухбири.

Ақмола вилояти таълим бошқармаси матбуот хизмати хабарига кўра, «Кўкшетау» маданият саройида «Олтин белги» совриндорларини тақдирлаш маросими бўлиб ўтди.

Тадбирда иштирок этган 230 нафар «Олтин белги» ғолиблари орасида халқаро, республика, ҳудудий интеллектуал, спорт ва ижодий олимпиада ва кўрик-танловлар ғолиб ва ​​совриндорлари ҳам бор.

Маросимда вилоят раҳбари Ермек Маржиқпаев иштирок этиб, битирувчиларни табриклади.

Тадбир давомида вилоят раҳбари битирувчиларга «Олтин белги» кўкрак нишони ва 100 минг тенге пул сертификатини тантанали равишда топширди.

Аввалроқ Ақмола вилоятида жорий йилда умумтаълим мактабларини 4597 нафар битирувчи тамомлагани ҳақида хабар берган эдик.

Уларнинг 246 нафарига «Олтин белги» кўкрак нишони, 334 нафарига аъло даражадаги аттестатлар топширилди.

Муаллиф: Аслан Оспанов