Air Astana сентябрь ойида янги рейсларни ишга туширади
ASTANA. Kazinform - Қозоғистон авиакомпанияси жорий йилнинг кузида янги рейсларни йўлга қўйишини маълум қилди, деб хабар беради Kazinform.
Air Astana авиакомпанияси 10 сентябрдан сешанба ва жума кунлари Airbus А320 самолётида амалга ошириладиган Чимкент-Жидда йўналиши бўйича янги тўғридан-тўғри рейс чипталарини сотишни бошлади.
КC 235 рейси Чимкентдан Жиддага 09.30 дa учади, Жиддага 13.05 да етиб боради. Қайтиш рейси КC 236 Жиддадан Чимкентга соат 15.35 да, Чимкентга 23.00 да етиб келади. Маҳаллий аэропорт вақти ҳамма жойда кўрсатилган.
Парвоз давомийлиги - 5 соат 35 дақиқа. Иккала йўналишда ҳам эконом-класс чипталарининг минимал нархи барча тўловлар билан 384 600 тенге, бизнес-классда - 864 309 тенге.
Жиддага рейслар пайшанба ва якшанба кунлари Алматидан ҳам амалга оширилади.
Бундан ташқари, Астана аэропортининг тунда ёпилиши муносабати билан Air Astana 8 августдан бошлаб Алмати-Қарағанди тўғридан-тўғри рейсини йўлга қўймоқда. Парвоз пайшанба, жума ва шанба кунлари пойтахт аэропортида таъмирлаш ишлари тугалланмагунча амалга оширилади.
КC 311 рейсининг Алматидан Қарағандига учиши соат - 21.20, Қарағандига қўниши - соат 22.50. Қайтиш рейси КC 312 Қарағандидан Алматига соат 23:50 да жўнайди ва Алматига 01:20 да етиб боради. Парвоз давомийлиги - 1 соат 30 дақиқа. Иккала йўналишда ҳам эконом-класс чипталарининг минимал нархи барча тўловлар билан 35 179 тенге, бизнес-классда - 104 529 тенге.
