Ахборот агентликларининг Каспий альянси тузилади

MOSCOW. Kazinform – Москвада Каспий минтақаси мамлакатлари ахборот агентликлари вакилларининг учрашуви бўлиб ўтди.

Учрашувда АЗEРТАЖ ахборот агентлиги (Озарбайжон Республикаси), ИРНА ахборот агентлиги (Эрон Ислом Республикаси), Қозоғистон Республикаси Президенти Телерадиокомплекси, ТАСС ахборот агентлиги (Россия) ва ТДҲ ахборот агентлиги (Туркманистон) вакиллари иштирок этдилар.

Иштирокчилар Каспий минтақасининг етакчи оммавий ахборот воситалари ўртасида кўп томонлама ахборот ҳамкорлигини мустаҳкамлаш муҳимлигини англаган ҳолда, Каспий ахборот агентликлари альянсини яратиш мақсадга мувофиқлиги тўғрисида хулосага келишди.

Иштирокчилар альянс қоидаларини ишлаб чиқиш, навбатдаги йиғилиш вақти ва жойини белгилаш, шунингдек, альянс доирасида ахборот ҳамкорлиги форматини ишлаб чиқиш бўйича маслаҳатлашувлар ўтказишга келишиб олдилар.