Aфсонавий Пеле касалхонага ётқизилди

NUR-SULTAN. Kazinform - Бразилиялик футболчи Пеле 31 август, сешанба куни эрталаб касалхонага ётқизилди, дея хабар беради Kazinform О Diaга таяниб.

Бразилия матбуоти хабарига кўра, 80 ёшли футболчи ҳушидан кетган. Пеле соғлиғининг ёмонлашувининг сабабини аниқлаш учун уни Сан -Паулу шаҳридаги Aльберт Эйнштейн касалхонасининг реанимация бўлимига ётқизишди.

Кейинчалик Пеле Twitterда ҳушидан кетганини, лекин ҳозир ўзини яхши ҳис қилаётганини ёзди. Унинг сўзларига кўра, у ҳозирда коронавирус пандемияси учун мунтазам текширувдан ўтмоқда. Футболчи ҳатто ҳазил қилиб, кейинги якшанба куни майдонга тушишини айтди.

Пеле (Эдсон Aрантис ду Насименту) Бразилия терма жамоаси таркибида Жаҳон чемпионатида уч марта ғолиб бўлган. Халқаро футбол федерацияси (ФИФA) маълумотларига кўра, у аср футболчисига айланди.