Афғонистонда кўчки оқибатида ўнлаб одамлар ҳалок бўлди

ASTANA. Kazinform – Афғонистон шарқидаги Нуристон провинциясида содир бўлган кўчки оқибатида камида 25 киши ҳалок бўлди. Бу ҳақда Etilaatroz маълум қилди.

Воқеа 19 февралга ўтар кечаси содир бўлган. Ҳалок бўлганларнинг аксарияти аёллар ва болалардир. Вайроналар остида ҳали ҳам одамлар бўлиши мумкинлиги айтилмоқда. Фалокатга узоқ вақт давомида ёғган қор сабаб бўлиши мумкин.

Маълумотларга кўра, 25 га яқин уй яшашга яроқсиз ҳолатга келиб қолган, қидирув-қутқарув ишлари давом этмоқда.