Афғонистон, Хитой, Россия: Қозоғистон ғалласини қайси давлатлар кўпроқ сотиб олмоқда
ASTANA. Kazinform — Қозоғистон ғалласининг ташқи бозорларга ташилиши жорий йилда сезиларли даражада ошди. Йил бошидан буён темир йўл орқали 2 миллион тонна ғалла экспорт қилинди. Бу ҳақда Ҳукумат йиғилишида ҚР Транспорт вазири ўринбосари Жанибек Тайжанов маълум қилди.
“Жорий йилнинг 8 ойида темир йўл орқали 9,3 миллион тонна ғалла ташилди. Бу ўтган йилга нисбатан 13 фоизга кўп. Шундан 7,2 миллион тоннаси экспортга, 2,1 миллион тоннаси эса мамлакат ичида ташилди”, — деди Ж. Тайжанов.
Асосий йўналишларда ҳам ўсиш кузатилмоқда. Марказий Осиё мамлакатларига ташувлар 37 фоизга, Хитойга — 34 фоизга ошган. Россиянинг Болтиқ ва Қора денгиз портлари орқали ташувлар эса 9 фоизга кўпайган.
Афғонистонга ғалла ташиш ҳажми 4,4 баробарга ошиб, 655 минг тоннага етди.
“Қайта ишланган маҳсулотлар ҳажми ҳам ортиб бормоқда. Омухта ем ташуви 38 фоизга ўсиб, 2,6 миллион тоннага етди. Янги ҳосилни ташиш учун зарур вагонлар ва локомотивлар тайёр. Бугунги кунда 16 900 та ғалла ташиш вагони, 17 800 та ёпиқ вагон ва 2 мингдан ортиқ локомотив мавжуд. Бу ўтган йилга нисбатан кўп. Зарур бўлса, қўшимча равишда вагон ва локомотивлар билан таъминлашимиз мумкин”, — деди Транспорт вазири ўринбосари.
