Абиба Абужақинова илк бор Grand Slam турнирининг кумуш медалини қўлга киритди

ASTANA. Кazinform - Дзюдо бўйича Қозоғистон терма жамоаси етакчиси Абиба Абужақинова (-48 кг) Ўзбекистон пойтахти Тошкентда ўтказилаётган Grand Slam мусобақада кумуш медални қўлга киритди.

Афсуски, Абиба финалда россиялик Сабина Гилиязовага имкониятни бой бериб қўйди. Бу икки дзюдочининг иккинчи жангидир. Ҳозирча ҳисоб 1:1.

Бу вазнда бронза медали Тара Бабулфат ва Тугче Бедерга (Туркия) насиб этди.

Куннинг иккинчи ярмида Абужакинова ярим финалда швециялик Тара Бабулфатни, чорак финалда эса Мария Селия Лабордени (АҚШ) мағлуб этди. Саралаш босқичида Тамар Малка (Исроил) ва Гўзел Янамовани (Туркманистон) енгди.

Бу қозоғистонлик дзюдочининг Grand Slam турниридаги илк кумуш медалидир. Бунгача Абиба Боку (2024), Тбилиси (2023), Париж (2023), Абу-Даби (2022) ва Улан-Батор (2022)да бўлиб ўтган Grand Slam мусобақаларида бронза медалини қўлга киритган эди. Шунингдек, 2 йил аввал Тошкентдаги жаҳон чемпионатида илк совринини қўлга киритган эди.