Абдулла Арипов Ўзбекистон ҳукумати раҳбари этиб қайта тайинланди

TASHKENT. Kazinform – Ўзбекистон Президенти Шавкат Мирзиёев бош вазир лавозимига амалдаги ҳукумат раҳбари Абдулла Арипов номзодини илгари сурди, деб хабар беради Kazinform агентлиги мухбири.

“Ҳукумат ўз фаолиятини тубдан ўзгартириб, янги йўналишда ишлаши керак. Бунинг учун кучли раҳбар – бош вазир керак”, – деди Ўзбекистон раҳбари.

Абдулла Арипов 1961 йил 24 майда Тошкент шаҳрида туғилган. Тошкент электротехника алоқа институтини тамомлаган.

У 2016 йилдан буён Ўзбекистон ҳукуматини бошқариб келмоқда. 2020 йилда у ушбу лавозимга қайта тайинланган.

Эслатиб ўтамиз, кеча Ўзбекистон ҳукумати истеъфога чиққан эди.