Абай вилоятида содир бўлган ёнғин оқибатида ҳалок бўлган 14 кишининг оилаларига хонадон калитлари топширилди

ASTANA. Kazinform – ҚР Президентининг топшириғига кўра, Абай вилоятидаги ўрмон ёнғинлари оқибатида ҳалок бўлганларнинг оилаларига ҳар томонлама ёрдам кўрсатилади, дея хабар беради Kazinform Абай вилояти маъмуриятига таяниб.

Ҳар бир оилага 7 миллион тенге, шунингдек, ҳар бир болага 2 миллион тенге берилади. Ёрдамга боқувчисини йўқотганлик бўйича нафақа, бир марталик ижтимоий нафақа ва уй-жой киради. Бундан ташқари, вафот этганлар ва уларнинг оила аъзоларининг кредити ҳисобдан чиқариш учун таҳлил қилинади.

Бугун ёнғин оқибатида ҳалок бўлган 14 кишининг оила аъзоларига, шунингдек, тракторчи С. Н. Архиповнинг оиласига Семей шаҳрининг Қарағайли туманидан янги хонадонлар калити топширилди. Абай вилояти ҳокими марҳум Саят Нуржигитов ва Амангелди Дуйсембаевнинг оила аъзоларига 2 ва 3 хонали хонадон калитларини топширди.

«Ёнғин қурбонларининг оилаларини қўллаб-қувватлаш борасидаги ишлар доимий назоратимизда. Бугун биз таклиф этаётган янги хонадонлар барча зарур мебель ва маиший техника билан тўлиқ жиҳозланган. Биз қўшимча ёрдам кўрсатишда давом этамиз», – деди Уранхаев.

Ҳалок бўлганларнинг яқинлари давлат томонидан кўрсатилаётган ёрдам ва қўллаб-қувватлаш учун ўз миннатдорчилигини билдирди.