Абай вилоятида маҳсулот ишлаб чиқариш ҳажмини ошириш ишлари давом этмоқда

SEMEY. Кazinform - Вилоят аҳолисининг озиқ-овқат маҳсулотларига бўлган эҳтиёжини таъминлаш мақсадида вилоятда агросаноат мажмуасининг барча тармоқларини янада ривожлантириш, қишлоқ хўжалиги маҳсулотларини етиштириш ва қайта ишлаш ҳажмини ошириш чора-тадбирлари амалга оширилмоқда.

Абай вилояти қишлоқ хўжалиги ва ер муносабатлари бошқармасидан олинган маълумотларга кўра, 2023 йилда вилоят қишлоқ хўжалиги маҳсулотларини ишлаб чиқарувчилар ва қайта ишлаш корхоналари томонидан 39 минг тонна мол ва 17,5 минг тонна парранда гўшти, 60,1 миллион дона тухум, 168 минг тонна картошка, 21,0 минг тонна сабзи, 3,0 минг тонна пиёз, 23,3 минг тонна карам, 127,3 минг тонна ўсимлик ёғи, 66,1 минг тонна ун, 8,5 минг тонна нон, 2,9 минг тонна макарон маҳсулотлари ишлаб чиқарилди.

Вилоятда гўштли чорвачиликни ривожлантириш мақсадида жами 39 та озиқлантириш шохобчаси фаолият кўрсатмоқда. Бугунги кунда сут маҳсулотларини ишлаб чиқариш умумий лойиҳа қуввати йилига 18 минг тонна (50% юк) бўлган 7 та сутни қайта ишлаш корхонасида амалга оширилмоқда.

Айтиш жоизки, бу борадаги ишлар фаол давом эттирилиб, бевосита Абай вилояти ҳокимлиги назоратида.