7,7 мингдан ортиқ хорижлик Қозоғистондан чиқариб юборилди
ASTANA. Kazinform - Қозоғистон Республикаси Мчки ишлар вазири ўринбосари Игорь Лепеха Қозоғистонга хорижликларнинг келиши ҳақидаги статистик маълумотларни эълон қилди, дея хабар беради Кazinform мухбири.
— Ўтган йилнинг 12 ойи давомида хориж фуқаролари келгани ҳақида 1,5 миллион хабарнома келиб тушган. Асосан, бу қўшни давлатлар фуқароларидир. 584 минг кишига вақтинчалик яшаш учун рухсатнома берилди, улардан 489 минг нафари ишлаш учун рухсатнома олди, 10 116 нафари рўйхатга олинди, биз билан ишлайдиган 376 нафар кишига ШИР берилган, — деди Игорь Лепеха Сенатдаги брифингда.
Шунингдек, у миграция қонунчилигини бузганлик учун 73 412 нафар шахс маъмурий жавобгарликка тортилганини маълум қилди. Шу билан бирга, 7739 нафари мамлакатдан чиқариб юборилган.
