66 ёшли ўзбекистонлик велоспортчи халқаро веломарафон доирасида Қизилўрдага етиб келди
QYZYLORDA. Кazinform – 10 март куни Тошкентда ўзбек опера хонандаси, велоспортчи, спорт фахрийси Хурсанд Шеров томонидан ташкил этилган ноёб веломарафон бошланган эди.
Бугун унинг иштирокчилари Қизилўрдага етиб келди. Вилоят марказида жойлашган Маншук Маметова номидаги олий педагогика коллежида бўлиб, коллеж жамоаси билан учрашди.
– Тадбир давомида Иккинчи жаҳон уруши қаҳрамони Маншуқ Маметова ҳайкали пойига гулчамбарлар қўйилди. Қаҳрамон қозоқ қизининг фидокорона жасоратини унутмаслик ҳақида ахлоқий маъру қилинди. Хурсанд Шеровга қизилўрдаликлар номидан велоспорт бўйича терма жамоа либоси топширилди, — деб хабар берди вилоят жисмоний тарбия, спорт ва туризм бошқармаси.
Алоҳида таъкидлаш жоизки, 66 ёшли спортчи ушбу тадбирни Ғалабанинг 80 йиллигига бағишламоқда. Шу йўл билан у Ўрта Осиё халқларининг умумий ғалабага қўшган ҳиссасини кўрсатмоқчи. Марафон маршрути Қозоғистон ҳудудидан ўтади ва 2025 йил 9 май куни Москвада тугайди.
Эслатиб ўтамиз, аввалроқ Қозоғистонда Ғалабанинг 80 йиллигига бағишланган логотип тақдим этилганиҳақида хабар берган эдик.
Муаллиф: Назерке Саниязова
