3-5 сентябрь кунлари Қозоғистонда ҳаво салқинлашади

ASTANА. Кazinform — “Қазгидромет” РДК синоптиклари 3—5 сентябрь кунлари учун уч кунлик об-ҳаво маълумотларини эълон қилди.

Яқин уч кун ичида Қозоғистоннинг аксарият ҳудудларида беқарор об-ҳаво сақланиб қолади.

Чақмоқ чақиб, ёмғир ёғади.

Республиканинг шимоли ва шарқида баъзан кучли ёмғир ёғади, 3 сентябрга ўтар кечаси мамлакат шарқида ёғингарчилик (ёмғир, қор) бўлади.

Шимолий-ғарбий антициклон таъсирида Қозоғистоннинг ғарби ва жанубида ёмғирсиз об-ҳаво кузатилади.

Мамлакат бўйлаб шамол кучайиши кутилмоқда. Кечаси ва эрталаб шимолий ва шарқий ҳудудларда туман тушади, тупроқ юзасида 2 даражагача аёз бўлади.

Шунингдек, кундузи ҳаво ҳарорати аста-секин пасаяди: мамлакатнинг шимоли-ғарби, шимоли ва марказида +8+15°, жанубида +20+28° гача пасаяди.