24 июнь куни Европа чемпионатида қайси жамоалар ўйнайди
ASTANA. Kazinform – Бугун, 24 июнь куни футбол бўйича 2024 йилги Европа чемпионатининг 3-тур ўйинларига старт берилади.
Шу куни “В” гуруҳида Албания ва Испания терма жамоалари баҳс олиб боради. Учрашув Дюссельдорфдаги «Меркур Шпиль-Арена» стадионида бўлиб ўтади.
Икки жамоа бунгача 8 марта тўқнаш келишган. Уларнинг барчасида Испания терма жамоаси ғалаба қозонди. Бу гуруҳдаги яна бир учрашув Хорватия ва Италия терма жамоалари ўртасида бўлиб ўтади.
Учрашув Лейпцигдаги «Ред Булл-Арена - Центральштадион» стадионида бўлиб ўтади. Ҳозиргача жамоалар 9 марта тўқнаш келишган, Хорватия 3 марта, Италия 1 марта ғалаба қозонган, қолганларида дуранг қайд этилган.
Ўйинлар «Qazaqstan» ва «Qazsport» телеканаллари орқали Қозоғистон вақти билан соат 00:00да жонли эфирда намойиш этилади.
Биринчи турда Италия Албанияни 2:1, Испания Хорватияни 3:0 ҳисобида мағлуб этди.
Иккинчи турда Испания Италияни 1:0 ҳисобида мағлуб этган бўлса, Хорватия ва Албания 2:2 ҳисобида дуранг ўйнади.
Эслатиб ўтамиз, 23 июнь куни “А” гуруҳида Германия ва Швейцария 1:1 ҳисобида дуранг ўйнаган бўлса, Венгрия Шотландияни 1:0 ҳисобида мағлуб этганди.
