22 ёшгача бўлган қозоғистонлик боксчилар Осиё чемпионатидан 24 та медаль қўлга киритди

ASTANA. Kazinform – Бокс бўйича 22 ёшгача бўлган спортчилар ўртасидаги Осиё чемпионатида Қозоғистон терма жамоаси умумжамоа ҳисобида биринчи ўринни эгаллади.

Аниқроқ айтсак, мамлакат боксчилари 24 та медални қўлга киритган. Улардан эркаклар жамоаси 13 та медаль (8 та олтин ва 5 та кумуш), аёллар жамоаси эса 11 та медаль (6 та олтин, 4 та кумуш, 1 та бронза)ни қўлга киритди.

U22 Осиё чемпионатининг умумжамоа ҳисобида Ҳиндистон ва Ўзбекистон кучли учликка киришди.