22 февраль куни Қозоғистонда қор ва ёмғир ёғиши кутилмоқда

ASTANА. Кazinform — Қозоғистон ҳудудларида 22 февраль куни хавфли метеорологик ҳодисалар бўйича прогноз-консультация эълон қилинди.

Бир қатор циклонлар ва улар билан боғлиқ бўлган фронтал қисмлар мамлакат ғарбида қор, кучли қор, жануби-ғарбда ва жанубда эса ёмғир ва қор кўринишидаги ёғингарчиликни келтириб чиқаради.

Фақатгина республиканинг шарқи ва жануби-шарқида антициклон шохлари ёғингарчиликсиз об-ҳавога олиб келади.

Қозоғистон бўйлаб туман тушиши ва кучли шамол эсиши, ғарбда, шимоли-ғарбда, шимолда ва марказда бўрон, жануби-ғарбда ва жанубда ер музлаши кутилмоқда.