22-23 август кунлари Қозоғистон Президенти давлат ташрифи билан Тожикистон Республикасида бўлади

ASTANA. Kazinform - Ақорда 22-23 август кунлари Қозоғистон Президенти давлат ташрифи билан Тожикистон Республикасида бўлишини маълум қилди.

Ташриф доирасида кичик гуруҳда ва икки давлат ҳукуматлари делегациялари иштирокида олий даражадаги музокаралар ўтказилади.

Давлат раҳбари Қасим-Жомарт Тоқаев ва Президент Эмомали Раҳмон Қозоғистон ва Тожикистон ўртасидаги стратегик шерикликнинг бугунги ҳолати ва ривожланиш истиқболларини муҳокама қилади.

Шунингдек, икки давлат ўртасида сиёсий, савдо-иқтисодий ва маданий-гуманитар соҳалардаги ҳамкорликни мустаҳкамлашга қаратилган қатор ҳужжатлар имзоланиши режалаштирилган.