21-23 сентябрь кунлари Қозоғистонда совуқ бўлиши кутилмоқда

ASTANA. Kazinform - “Қазгидромет” синоптиклари 21-23 сентябрь кунлари учун уч кунлик об-ҳаво маълумотларини эълон қилди. Бу ҳақда Kazinform агентлиги “Қазгидромет” РДКга таяниб хабар беради.

Дам олиш кунлари Қозоғистоннинг катта қисми маркази “Новая Земля” устида жойлашган циклон таъсирида бўлади, шу сабабли ғарбда ва жанубда ёмғир ёғади, момақалдироқ бўлади. 22 сентябрдан бошлаб Скандинавия минтақаларидан антициклон оқими мамлакат ғарбига тарқала бошлайди, бу эса ёғингарчиликнинг тўхташига сабаб бўлади.

Республика бўйлаб кучли шамол эсиши, кечаси ва эрталаб туман тушиши, ғарбий ва шимоли-ғарбий ҳудудларда тупроқ юзасида 2 даражагача совуқ бўлиши кутилмоқда.