2050 йилга бориб Қозоғистоннинг жанубий вилоятлари аҳолиси 5,2 миллион кишига кўпайиши мумкин
Депутатнинг сўзларига кўра, агар ҳозирги ҳолат аввалгидек қолса, 2050 йилга бориб мамлакатнинг жанубий вилоятлари аҳолиси 5,2 миллион кишига кўпайиши, шимолий вилоятлар аҳолиси эса 1 миллион кишига қисқариши мумкин.
Шу билан бирга, у қозоғистонликларни ишчи кучи етишмайдиган ҳудудларга кўчириш дастури соҳадаги вазиятни яхшилашга қаратилганини эслатди.
Депутат мамлакат учун стратегик аҳамиятга эга бўлган масалани миллий хавфсизлик нуқтаи назаридан кўриб чиқишга чақирди.
«Ҳудудга кўчиб келганларни рағбатлантириш учун ушбу ҳудудларда жозибадор ижтимоий-иқтисодий шароитларни яратиш зарур. Давлат дастурлари ҳудудларни ҳар томонлама ривожлантириш орқали амалга оширилиши керак. «Серпін-2050» дастури доирасида барча мутахассисликлар бўйича грантлар сонини ошириш шарт. Иш кучи етишмайдиган ҳудудларга кўчиб келган оилалар ёшлари учун ушбу таълим дастурида иштирок этиш имкониятларини кўриб чиқиш зарур», — деди Серик Ўтешов Ҳукумат раҳбари Алихан Смаиловга йўллаган саволида.
Муаллиф: Руслан Ғаббасов
