2029 йилда Жезқазған ва Сатбаев шаҳарларида иккинчи иссиқлик электр маркази қурилади
ASTANА. Кazinform — Давлат раҳбари Улитау вилояти ҳокими Берик Абдиғалиулни қабул қилди.
Берик Абдиғалиули вилоятни ўтган йилги ижтимоий-иқтисодий ривожлантириш якунлари ҳақида маълумот берди. Унга кўра, асосий капиталга киритилган инвестициялар ҳажми 14 фоизга ошиб, 210,1 миллиард тенгега етди. Шу билан бирга, хусусий инвестициялар улуши 90 фоизни ташкил этди. Ўтган йили вилоятда умумий қиймати 10 миллиард тенге бўлган 3 та йирик лойиҳа амалга оширилди. Жорий йилда камида 16 та, жумладан, саноат ва геология соҳасида 8 та, туризм ва савдо соҳасида 3 та, агросаноат мажмуасида 5 та лойиҳани ишга тушириш режалаштирилган. Бунинг натижасида вилоятда 700 та янги иш ўрни яратилади.
Жорий йилда қишлоқ хўжалигида паррандачилик фабрикаси, гўштни қайта ишлаш мажмуаси қуриш, 3 минг гектар майдонда картошка ва сабзавот етиштирувчи фермер хўжаликларини ишга тушириш режалаштирилган. “Қулай мактаб” миллий лойиҳаси доирасида 2024-2025 йилларда 3600 ўринли 6 та мактаб қурилади. Улардан бири жорий йилда Жезқазғанда фойдаланишга топширилади. Бундан ташқари, жорий йилда ишга тушириладиган 10 та спорт иншооти ҳақида маълумот берди. 320 ўринли сузиш ҳавзаси бўлган кўп функцияли спорт мажмуаси, Жезқазған шаҳрида «Қазақмыс» корпорацияси «Намыс» СК болалар ва ўсмирлар спорт академияси, Жезди ва Жанаарқа аҳоли пунктларида жисмоний тарбия ва дам олиш мажмуалари, ёпиқ сузиш ҳавзаси қурилади. Қаражалда, шунингдек, 5 та ангар типидаги ўйин мажмуалари қурилади.
Ҳоким вилоятда иситиш мавсуми, иссиқлик таъминоти ишларининг бориши ҳақида гапирди. Инфратузилмани янада ривожлантириш муносабати билан 2029 йилда Жезқазған ва Сатбаев шаҳарларида иккинчи иссиқлик электр марказларини қуриш режалаштирилган. Бу марказлар иссиқлик тақчиллиги муаммосини ҳал қилиши керак. У Жезқазған – Қизилўрда ва Жезқазған – Арқалиқ автомобиль йўлларини қуриш-монтаж қилиш, Уйтас-Айдос сув қувурини реконструкция қилиш ҳақида маълумот берди.
Қасим-Жомарт Тоқаев вилоятни янада ривожлантириш, аҳоли фаровонлигини ошириш бўйича қатор топшириқлар берди.
