2026 йилга келиб қайта тикланадиган энергия манбаларининг 50 дан ортиқ шакллари ишга туширилади – вазир

ASTANA. Kazinform – 2026 йилга келиб қайта тикланадиган энергия манбаларининг 50 дан ортиқ шакллари ишга туширилади. Бу ҳақда Ҳукумат йиғилишида ҚР Энергетика вазири Болат Ақшолақов маълум қилди, дея хабар беради Kazinform мухбири.

«Энергетика хавфсизлиги масалаларини кучайтириш мақсадида 2029 йилгача 3,7 ГВт энергия ишлаб чиқариш қуввати жорий этилади. Улар орасида 1,8 ГВт қувватга эга электр станциялари модернизация қилинади ва 1,9 ГВт қувватга эга янги буғ-газ станциялари қурилади»

, — деди вазир.

Унинг қайд этишича, 2026 йилгача қайта тикланадиган энергия манбаларининг 50 дан ортиқ шакллари ишга туширилади. Шу тариқа қайта тикланадиган энергия ишлаб чиқариш ҳажми 1,5 баробар ошиб, мамлакатда ишлаб чиқарилган умумий электр энергиясининг 7 фоизини ташкил этади.

«2029 йилгача Миллий электр тармоқларини модернизация қилиш, жумладан, Ғарбий Қозоғистон электр тармоқларини ягона электр энергетика тизимига улаш бўйича ишлар олиб борилади»

, - деди Болат Ақшолақов.

Муаллиф: Марлан Жиембай