2024 йилда Қозоғистонда энг кам иш ҳақи ва пенсия қанча бўлади

ASTANA. Kazinform – Молия вазирлиги Қозоғистон Республикасининг «2024-2026 йилларга мўлжалланган республика бюджети тўғрисида»ги қонуни лойиҳасини очиқ муҳокама учун эълон қилди, деб хабар беради Kazinform мухбири.

Ashyq НҲА порталида эълон қилинган ҳужжатга кўра, 2024 йил 1 январдан бошлаб энг кам ойлик иш ҳақи, пенсия ва яшаш харажатлари қуйидаги миқдорда белгиланади:

- энг кам иш ҳақи - 70 000 тенге;

- давлат базавий пенсия тўловининг энг кам миқдори – 28 215 тенге;

- пенсиянинг энг кам миқдори - 57 853 тенге;

- бир ойлик ҳисоб-китоб индекси миқдори - 3 692 тенге;

- асосий ижтимоий тўловлар миқдорини ҳисоблаш учун энг кам яшаш минимуми қиймати 43 407 тенге этиб белгилансин.

«Ёши бўйича пенсия тўловлари ва ишлаган йиллари учун пенсия тўловлари учун фойдаланиладиган маблағлар уларнинг миқдорини 2024 йил 1 январдан бошлаб 9,0 фоизга оширишни ҳисобга олган ҳолда белгилансин. Мажбурий ижтимоий тиббий суғурта бўйича ижтимоий тиббий суғурта жамғармасига тўланадиган давлат бадалларининг миқдори эса давлат бадаллари ҳисоб-китоб объектининг 1,9 фоизи миқдорида белгилансин», - дейилади ҳужжатда.

Бундан ташқари, ҳарбий хизматчиларга, махсус давлат ва ҳуқуқни муҳофаза қилиш органлари мутахассисларига, давлат фельдъегерлик хизматларига уй-жой коммунал хизматлари учун ойлик компенсация миқдори 3739 тенге миқдорида белгиланади.

Қонун лойиҳаси 4 сентябргача жамоатчилик муҳокамасида бўлади.

Муаллиф: Алихан Асқар