2024 йилда Қозоғистонда 200 дан ортиқ инвестиция лойиҳаси амалга оширилади
ASTANA. Kazinform - Қозоғистонда 2024 йилда умумий қиймати 2,3 триллион тенге бўлган 234 та инвестиция лойиҳасини амалга ошириш режалаштирилган. Бу ҳақда ҚР Бош вазири ўринбосари – Миллий иқтисодиёт вазири Нурлан Байбазаров маълум қилди, дея хабар беради Kazinform мухбири.
– Инвестиция лойиҳалари ягона жамғармаси доирасида жорий йилда республикада умумий қиймати 2,3 триллион тенге бўлган 234 та лойиҳани амалга ошириш режалаштирилган. Бу йўналишдаги фаолият мамлакатимиз иқтисодиётининг жадал ўсишини таъминлашда муҳим аҳамиятга эга”, - деди Нурлан Байбазаров Ҳукумат йиғилишида.
Режаларга кўра, жорий йилда асосий капиталга инвестициялар ҳажми 22,1 триллион тенгени ташкил этади, бу 2023 йил охирига нисбатан 22 фоизга кўпдир.
- KPIлар ҳар бир вилоят ҳокими ва соҳавий давлат органи вазирларига берилади. Инвестиция штаб-квартирасида инвесторлар билан боғлиқ масалаларни тезкорлик билан ҳал этиш чоралари кўрилмоқда. Шунингдек, 37 та хорижий компанияни Қозоғистонга кўчириш бўйича ишлар давом этмоқда”, дея қўшимча қилди вазир.
Муаллиф: Азамат Сиздиқбаев
