2024 йилда Қозоғистон ва Хитой ўртасидаги товар айирбошлаш 33 млрд долларга етди
ASTANA. Kazinform - 2024 йилнинг дастлабки 10 ойида АСЕАН давлатлари, Европа Иттифоқи, АҚШ ва Жанубий Корея Хитойнинг асосий савдо ҳамкорларига айланди. Бу ҳақда Хитой Халқ Республикаси Бош божхона бошқармаси маълумотлари далолатдир, деб хабар беради Kazinform ахборот агентлиги.
Статистик маълумотларга кўра, Хитойнинг АСЕАН давлатлари билан савдо айланмаси 8,8 фоизга ўсиш билан 5,67 триллион юанни (деярли 800 миллиард доллар), Европа Иттифоқи билан - 4,64 триллион юанни (+1,2 фоиз), АҚШ билан - 4,01 триллион юанни (+4,4) ва Жанубий Корея – 1,91 триллион юан (+6,7%) ташкил этди.
Умуман олганда, дастлабки 10 ойда Хитойнинг умумий савдо айланмаси 5,2 фоизга ўсиб, 36,02 триллион юанга (5 триллион долларга яқин) етди. Шу билан бирга, экспорт 6,7 фоизга, импорт эса 3,2 фоизга ошди.
Хитой Давлат Бош божхона бошқармаси маълумотларига кўра, 2024 йилнинг 9 ойида Қозоғистон ва Хитой ўртасидаги товар айирбошлаш ҳажми 33 миллиард долларни ташкил этган.
2023 йил охирида Қозоғистон ва Хитой ўртасидаги товар айирбошлаш ҳажми 41 миллиард долларга етди.
5 ноябрда ҚР Бош вазири Олжас Бектенов Хитой Халқ Республикаси Давлат кенгаши Бош вазири Ли Цян билан савдо-иқтисодий муносабатларни ривожлантириш масалаларини муҳокама қилди. У Қозоғистон ўзаро савдони кенгайтириш ва қўшимча қийматли маҳсулотлар етказиб беришни кўпайтиришга тайёрлигини таъкидлади. Гап 1,6 миллиард долларлик 180 та маҳсулот ҳақида боряпти.
