2024 йилда қанча қозоғистонлик ҳарбий тайёргарликка чақирилади

Қозоғистон Республикаси Мудофаа вазирлиги “2024 йилда ҳарбий хизмат ёшидагиларни ҳарбий тайёргарликка чақириш тўғрисида”ги буйруқ лойиҳасини ишлаб чиқди, деб хабар беради Kazinform мухбири.

Ҳужжат 23 январга қадар Ashyq НҲА порталида жамоатчилик муҳокамаси учун жойлаштирилди.

Буйруқ лойиҳасида айтилишича, Қозоғистон Республикасининг “Ҳарбий хизмат ва ҳарбий хизматчиларнинг мақоми тўғрисида”ги қонуни 33-моддаси 1) бандига мувофиқ, 2024 йилда 3000 нафар ҳарбий хизмат ёшидаги шахсни ҳарбий хизматга чақириш режалаштирилган.

Буйруқнинг бажарилишини назорат қилиш Мудофаа вазирининг биринчи ўринбосари – Қозоғистон Республикаси Қуролли Кучлари Бош штаби бошлиғи зиммасига юклатилди.

Буйруқ биринчи расмий эълон қилинган кундан бошлаб 10 календарь кун ўтгач кучга киради.