2023 йилнинг энг яхши футболчиси аниқланди

Халқаро футбол тарихи ва статистикаси федерацияси 2023 йилнинг энг яхши футболчиси номига овоз бериш натижаларини эълон қилди, деб хабар беради Kazinform мухбири.

Ушбу рўйхатда Норвегия терма жамоаси ва “Манчестер Сити” жамоаси ҳужумчиси Эрлинг Холанд 208 очко билан биринчи ўринни эгаллади.

Ундан кейинги ўринларда Килиан Мбаппе (Франция, “ПСЖ”), Лионель Месси (Аргентина, “Интер Майами”), Родри (Испания, “Манчестер Сити”), Жуд Беллингем (Англия, “Реал Мадрид”), Кевин де Брюйне (Бельгия, "Манчестер Сити"), Гарри Кейн (Англия, "Бавария"), Бернардо Сильва (Португалия, “Манчестер Сити”), Винисиус Жуниор (Бразилия, “Реал Мадрид”), Лаутаро Мартинес (“Аргентина”, “Интер”) жойлашган.

Федерация бу унвонни 1988 йилдан бери бериб келади. Биринчи йили голландиялик Марко Ван Бастен муносиб деб топилди.

Эслатиб ўтамиз, аввалроқ “Манчестер Сити” 2023 йилги клублар ўртасидаги жаҳон чемпионатида ғолиб чиққанди.

Муаллиф: Адилжан Умбет