2023 йилда Қозоғистонда уй-жой ижараси нархлари қандай бўлди

2023 йилда Қозоғистонда уй-жой ижараси нархлари бироз ўзгарди, дея хабар беради Kazinform агентлиги Krisha.kzга таяниб.

Таҳлил хизмати маълумотларига кўра, январдан апрелгача ижара нархи тушиб кетди: -3,5%. Майдан сентябргача нарх ошди: январь ойига нисбатан +12,8%.

Октябрь ойидан бошлаб нархлар яна пасайишни бошлади. Декабрь ойида нархлар пасайди. Ноябрга нисбатан квартира ижараси 2% га камайди.

Ижара нархлари кузатилган 13 та шаҳардан 8 тасида пасайиш кузатилди.

Шундай қилиб, ижара нархи Орал, Ўскемен -6%, Чимкент -5%, Атирау, Қостанай -3%, Алмати, Қарағанди -2%, Астана -1% тушгани қайд этилди.

Ақтау, Павлодар, Кўкшетау шаҳарларида нархлар ўзгармади.

Шу билан бирга, Петропавл ва Ақтўбеда ставкалар мос равишда 1 ва 2 фоизга ошди.

Алматида энг қиммат ижара: квадрат метри учун 5,7 минг тенге. Энг арзони Ақтауда: 2,5 минг тенге. Қозоғистон Республикасида ўртача нарх 3,2 минг тенге.

Салбий динамика кейинги ойларда янада кузатилиши мумкин.

26 декабрь ҳолатига кўра, Қозоғистонда ўртача кўрсаткич январь ойига нисбатан 4,5 фоизга юқори. Қизиғи шундаки, январь ойидан бошлаб ставкаларнинг пасайиши фақат Алматида қайд этиди.

Аксарият шаҳарларда нархлар 3% дан 14% гача кўтарилди.