2023 йилда бюджет даромадлари 13,9 триллион тенгега етади – ҚР Миллий иқтисодиёт вазири

NUR-SULTAN. Kazinform – 2025 йилга бориб Қозоғистон бюджетининг даромад қисми 16,2 триллион тенгега етади. Ҳукумат йиғилишида ҚР Миллий иқтисодиёт вазири Алибек Қуантиров шундай башорат қилди, деб хабар беради Kazinform мухбири.

«Республика бюджети ва Миллий жамғарманинг кейинги уч йилга мўлжалланган параметрларини шакллантиришнинг асосий лейтмотиви Давлат раҳбари томонидан иқтисодий ва масъулиятли бюджет сиёсати консепциясини таъминлаш бўйича белгилаб берилган вазифалар ижроси бўлди.

Шундай қилиб, 2023-2025 йилларга мўлжалланган республика бюджетининг параметрлари бюджет сиёсатининг даромадлар базасини тўлдиришнинг янги манбаларини тўплаш ва бюджет харажатларини ижтимоий-иқтисодий ривожлантиришнинг устувор йўналишларига жамлашга йўналтирилганлигини ҳисобга олган ҳолда белгиланди», - деди вазир.

Унинг таъкидлашича, 2023 йилда республика бюджетининг даромадлари илгари тахмин қилинганидан кўп бўлиши керак.

«2023 йилда республика бюджетининг даромадлари жорий йилнинг аниқланган режасига нисбатан 36,4 фоизга ўсиш билан 13,9 триллион тенге ёки ялпи ички маҳсулотга нисбатан 11,5 фоизни ташкил этиши кутилмоқда. Режалаштирилган даврда улар 2025 йилга келиб 16,2 триллион тенгега ёки 17,2 фоизга ўсиши кутилмоқда», - деди Алибек Қуантиров.

Муаллиф: Есимжан Нақтибай

Фото: primeminister.kz