2021 йилнинг 9 ойида Ўзбекистонга 1,2 миллион хорижий сайёҳ ташриф буюрди

TASHKENT. Kazinform – 2021 йилнинг 9 ойида Ўзбекистонга 1,2 миллион сайёҳ ташриф буюрди ва 273 миллион долларлик туристик хизматлар кўрсатилди, деб хабар беради Kazinform UzAга асосланиб.

Туризм қўмитаси маълумотларига кўра, 2021 йилнинг январ-март ойларида Ўзбекистонга ҳар ойда ўртача 85 минг хорижий сайёҳ келган бўлса, август-сентябрда бу кўрсаткич 190 мингга яқинни ташкил қилган.

Йилнинг 9 ойида хорижлик сайёҳлар сони 1 млн 200 минг нафарга етган бўлса, йил охирига келиб бу тоифадаги сайёҳлар сони 1 миллион 700 минг нафарга етиши кутилмоқда.