2 сентябрь куни Қасим-Жомарт Тоқаев Қозоғистон халқига йиллик Мурожаатномаси билан чиқади

ASTANA. Kazinform - 2 сентябрь куни Давлат раҳбари Қасим-Жомарт Тоқаев Парламент палаталарининг қўшма мажлисида Қозоғистон халқига йиллик Мурожаатномасини тақдим этади, дея хабар беради Kazinform Ақордага таяниб.

Тадбирда Сенат ва Мажилис депутатлари, марказий давлат органлари раҳбарлари, Миллий Қурултой, Инсон ҳуқуқлари бўйича комиссия, Хотин-қизлар ишлари ва оилавий-демографик сиёсат бўйича миллий комиссия аъзолари, жамоатчилик ва меҳнат жамоалари вакиллари иштирок этади.

Президент Мурожаатномаси Қозоғистоннинг келгуси даврдаги сиёсий ва ижтимоий-иқтисодий ривожланиш истиқболларига бағишланади.