19 августда Қозоғистонда об-ҳаво қандай бўлади
ASTANA. Kazinform - Синоптиклар 2026 йил 19 август, чоршанба куни Қозоғистон ҳудудидаги синоптик вазият ва хавфли об-ҳаво ҳодисалари прогнозини эълон қилди, деб хабар беради Kazinform.
Синоптикларнинг прогнозига кўра, мамлакатда яна экстремал иссиқ ҳаво кузатилиб, ҳарорат +40°С гача кўтарилади, бироқ ёғингарчиликлар ҳам сақланиб қолади.
Кундузи мамлакатнинг бешта ҳудудида кучли иссиқ ҳарорат кутилмоқда:
Алмати ва Ақтўбе вилоятларида — +35°С гача;
Ғарбий Қозоғистон ва Атирау вилоятларида — +35...+38°С гача;
Манғистау вилоятида — +38...+40°С гача.
"Атмосфера фронтларининг ўтиши билан Қозоғистоннинг аксарият ҳудудларида об-ҳавонинг беқарор хусусияти сақланиб қолади. Ёмғир ва момақалдироқ кузатилади, айрим жойларда дўл ёғиши ва кучли шамол бўлиши мумкин. Мамлакатнинг шимолида кучли ёмғирлар кутилмоқда. Қозоғистон бўйлаб шамол кучайиши, кечаси ва эрталабки соатларда мамлакатнинг шимоли ва шарқида туман тушиши прогноз қилинмоқда», — дея хабар беради «Қазгидромет» матбуот хизмати.
Ёғингарчиликсиз об-ҳаво фақат мамлакатнинг ғарбий ҳудудлари ҳамда Қизилўрда вилоятида кутилмоқда.
