17 август куни Қозоғистонда момақалдироқ бўлиши ва дўл ёғиши кутилмоқда
ASTANA. Kazinform - Шимолий-ғарбий циклон таъсирида 17 август куни Қозоғистоннинг аксарият ҳудудларида беқарор об-ҳаво сақланиб қолади, момақалдироқ бўлиши, дўл ва бўрон аралаш ёмғир ёғиши, мамлакат шимоли-ғарбида кучли ёмғир ёғиши мумкин. Республика бўйлаб шамол кучайиши, шимоли-ғарбда туман тушиши кутилмоқда, деб хабар беради Kazinform агентлиги “Қазгидромет” РДКга таяниб.
Кундузи Алмати ва Жетису вилоятларида кучли жазирама сақланиб туради.
Атирау, Абай вилоятларида, Улитау вилоятининг шимолида, Жетису вилоятининг шарқида, Ғарбий Қозоғистон вилоятининг жануби, шарқи, марказида, Манғистау вилоятининг ғарби, жануби-шарқида, Алмати вилоятининг жанубий ярмида юқори ёнғин хавфи сақланиб қолади.
Манғистау, Қизилўрда, Туркистон, Алмати, Жамбил, Жетису вилоятларида, Атирау вилоятининг жануби-ғарбда, шимоли-шарқида, Шарқий Қозоғистон вилоятининг жануби ва марказида, Қарағанди вилоятининг шарқи ва жанубида, Улитау вилоятининг жанубида, Абай вилоятининг ғарби, шимоли-ғарби ва жанубида кучли ёнғин хавфи сақланиб қолади.
