14 ноябрь куни Қозоғистонда ёғингарчилик кутилмайди

Қозоғистоннинг аксарият ҳудудларида 14 ноябрь куни антициклон таъсирида, асосан, ёмғирсиз об-ҳаво кузатилади. Бу ҳақда Kazinform агентлиги “Қазгидромет” РДКга таяниб хабар беради.

Атмосфера фронтлари ўтиши билан ғарб, шимоли-ғарбда ёмғир, шимоли-шарқ ва шарқда ёғингарчилик (ёмғир, қор) бўлиши кутилмоқда.

Қозоғистонда туман тушиши ва шамол кучайиши кутилмоқда, жануби-ғарбда эса чанг бўрони кузатилади.