13 нафар аёл актёр Жерар Депардьени зўравонликда айблади

PARIS. Kazinform - Франциянинг Mediapart сайти актёр Жерар Депардьени зўравонлик ва жинсий тегажоқликда айблаган 13 нафар аёлнинг кўрсатмаларини эълон қилди. Депардьенинг хатти-ҳаракатидан жабрланганлар, актёр уларни ушлаб, қўлларини ички кийимига солишга уринган ва уларга нисбатан беҳаё сўзлар айтганини даъво қилмоқда. Бу ҳақда Kazinform BBCга таяниб хабар беради.

Аёлларнинг сўзларига кўра, бу сўнгги 20 йил ичида кино ва телефильмларни суратга олиш жараёнида, шунингдек, жамоат жойларида содир бўлган.

Адвокат Депардьенинг айтишича, актёр «жиноят қонунчилигига кирадиган барча айбловларни расман рад этади».

Икки йил аввал Франция прокуратураси 2018 йилда содир бўлган ёш актрисани зўрлашда гумон қилиб, Депардьега нисбатан тергов бошлаган эди. Актёр бу айбловларни рад этади. Франция ҳуқуқ-тартибот идоралари АFPга тергов ҳали ҳам давом этаётганини айтди.

Mediapart тадқиқотларига кўра, актёр рад этилганда тажовузкор бўлиб қолган.

Кўплаб аёллар Mediapart нашрига Депардьенинг суратга олиш майдончасидаги хатти-ҳаракати жазосиз қолгани ва ҳатто унинг атрофидагиларнинг кулгисига сабаб бўлганлигини айтишган.

Mediapart нашри эълон қилганидан сўнг, Париж прокуратураси АFPга Депардmега қарши «ҳали янги шикоятлар олмаганини» айтди.

Ҳозир 74 ёшда бўлган Жерар Депардmе 180 дан ортиқ филmмларда суратга тушган энг машҳур франwуз актёрларидан биридир.

У Бертолуччининг «Йигирманчи аср» филmмидаги Олmмо Далmко ва худди шу номдаги филmмдаги Cирано де Бержерак каби роллари туфайли француз киносининг рамзига айланди (иккинчи фильм учун у Канн кинофестивалида «Энг яхши эркак роли» мукофотига сазовор бўлган ва Оскар мукофотига номзод бўлган).

Фото: Getty Images