11 сентябрь куни АҚШда содир этилган теракт ташкилотчилари айбларини тан олиш бўйича келишувга келишди
ASTANA. Kazinform – 11 сентябрь терактларини уюштирганликда айбланганлар тергов билан келишувга эришган. Бу ҳақда Пентагон тафсилотларни ошкор қилмасдан эълон қилди. ОАВнинг қайд этишича, тафсилотларни АҚШ ҳарбий прокуратураси терактлар қурбонларининг яқинларига юборган мактубларидан билиб олган, дея хабар беради Кazinform агентлиги euronewsга таяниб.
Бу маълумотларга кўра, Валид Шайх Муҳаммад ва унинг икки шериги барча моддалар, жумладан 2976 кишининг ўлдирилиши бўйича айбларини тан олишга розидир. Бунинг эвазига улар ўлим жазосидан қочишади.
Айбловга кўра, айнан Холид Шайх Муҳаммад Усама бин Ладенга теракт уюштиришнинг бундай шаклини таклиф қилган, кейин эса худкуш-террорчиларни шахсан танлаб, уларга кўрсатма берган. Шу вақт давомида айбланувчи Американинг Гуантанамо қамоқхонасида сақланмоқда.
Америка оммавий ахборот воситаларининг таъкидлашича, бундай келишув жараённи кескин тезлаштиради ва Гуантанамодаги қийноқлар остида олинган кўрсатмалар судда қабул қилинадими ёки йўқми деган саволга жавоб беради, кўп йиллик судгача бўлган жараёнларни тугатади.
